யானைகள் ஆயிரம் – பரணி இசைத்த ஹெரிஸ் ஜெயராஜ்

ஆயிரம் யானைகளைப் போர்களத்தில் கொன்றவன் பரணி, யுவன் இசையில் நந்தா படத்தில் கேட்டது. ஆனால் அதற்கு முன் பரணி புராணம் நடத்திய தமிழாசிரியர் நினைவுக்கு வருகிறார், செய்யுள் நினைவிற்கு வரவில்லை!

சரி வாங்க போர்களத்தில் குதிப்போம்.

அடியே கொல்லுதே – கேட்டாச்சு பார்த்தாச்சு – மஞ்சள் நிலவே பாடலை சட்டென்று நினைவுக்குக் கொண்டுவருகிறது. அதே இண்டர்லுயூட்ஸ்.

நெஞ்சுக்குள் பெய்திடும் – ஹரிஹரன் – கொஞ்சல்கள் – கோர்வையற்ற வரிகள்

என் வீட்டைப் பார்
என்னைப் பிடிக்கும்
ஓ ஷாந்தி

*ஏத்தி ஏத்தி – கண்டிப்பாக எங்கேயொ கேட்டப் பாடல் – ஷங்கர் படத்தின் உளரல் பாடல்கள் வரிசையில் இதை சேர்க்கலாம்.

*முந்தினம் பார்த்தேன் – சூரியாவின் “அலகான” குரல் தொடக்கம். நரேஷ் பாடும் தமிழ் பாடல்கள் அனைத்தும் கார்த்திக்கை நினைவூட்டுகிறது. 12பி -முத்தம் முத்தம் பாடல் சாயல் ஸாகஸ்சபோன் இசைக்கும் பொழுது தெரிகிறது. பெண் குரல் மிகவும் கீச் – பிராஷாந்த் பெண் குரலில் பாடியதால் பிரஷாந்தினி என்று பெயர் வைத்தனரோ ?

*ஒ ஷாந்தி – மாலினி போல் ஷாந்தியும் ஒரு கதாபாத்திரத்தின் பெயராக இருந்தாலும் ஆச்சரியமில்லை. உயிரை ஏந்தி சென்றாய் என்று வரும் வரிகள் இதனை உறுதி செய்கிறது.

இந்த பாட்டு காப்பி என்று சொல்பவற்களுக்கு பதில் – ஆமாங்கோ ஆமாங்கோ ஆனா மூலம் தான் கண்டுபிடிக்க முடியாது! ஏன்னா பல மேற்கத்திய பாடல்கள் இது போலவே உள்ளது!

*அவ என்ன என்ன – முதல் ஹெரிஸ் ஜெயராஜ் டப்பாங்கூத்து என்று சொல்லலாம். கார்த்திக்கின் குரல் இதனை டப்பாங்கூத்திலிருந்து கல்லூரி கானா போல் செய்துவிடுகிறது.

துணியால் கண்ணையும் கட்டி
கையக் காத்துல நீட்டி
தேடுற அவள
தனியா எங்கே போனாளோ ?

டப்பாங்கூத்துக்கு நடுவில் ஓப்ரா பாணியில் “ஓ ஓ” என்று பாடுவது தான் புயூஷனோ ?

*அனல் மேலே பனி துளி

பாம்பே ஜெயஸ்ரீயினை சுதா ரகுநாதன் வைத்து ரீப்பிலேஸ் செய்துள்ளார் பரணி இசையமைப்பாளர். நம் சத்தியம் இசைக்கு வைத்த முதல் குற்றச்சாட்டிற்கு செவி சாய்த்து விட்டாரோ ஹெரிஸ்!

குன்னக்குடி வைத்தியநாதன் போல் வயலின் கிங் கிங் என்று இசைக்கிறது. நல்ல பாடகர்களை அழைத்து இரண்டு கட்டையில் பாடவைப்பது தான் ஹெரிஸின் அசாத்தியத் திறமைக்கு எடுத்துக்காட்டு என்று நினைக்கிறேன். தான் மட்டுமில்லாது மற்ற நல்ல கலைஞர்களையும் “இவ்வளவு தானா” என்று கேட்குமளவுக்கு பாட வைக்கிறார்.

பாட்டுக்கு நடுவில் தூக்கம் வந்தால் அதற்கு சுதா ரகுநாதனின் தாலாட்டே காரணம் மற்றும் எந்த ஏற்றக் குறைவுமில்லாது இசையும் துணை போகிறது!

இந்த முறை ஹெரிஸின் பாடல்களிலிருந்தே காப்பி அடிக்கிறார் என்பதே ஆறுதல்! ஆனால் படமே forrest gump என்ற ஹாலிவுட் ஆஸ்கர் வென்ற படத்தின் தழுவல் எனும் பொழுது இதெல்லாம் எம்மாத்திறம் ?

அஞ்சல பாட்டத் தவிற மற்ற பாடல்கள் எனக்கு போதுமடா சாமினு இருக்கு. நீங்க என்ன நினைக்கிறீங்க!

சிராவயல் முதல் பெங்களூர் வரை – கதையல்ல நிஜம்

படிக்கத் தெரிந்தாலும் “புரிதல் இன்றி” வாழும் தமிழ் பதிவரின் கதை.

இவருக்குப் பெரியாரையும் சரியாகத் தெரியாது, சமானியர்களின் எழுத்தும் புரியாது. எம்மக்கள் எம்மக்கள் என்று சொல்லி பெங்களூரில் இருந்தபடியே பொட்டித் தட்டி சமூகத்தை ‘சீர்திருத்த’ முயல்பவர்.

எதிர்வினை என்று சம்மந்தம் சம்மந்தா இல்லாமல் பதிவு போடுபவர். அதுவும் பொய்க் குற்றச்சாட்டினால் சாடுவதில் வல்லவர்.

ஏன் என்று கேட்டால் ஜெர்மன், கிரேக்க மொழிகளில் அல்ல உங்களுக்குத் தெரியாத வேறு எதாவது மொழியில் விடைக் கிடைக்கலாம். அவ்வளவு கோர்வையான பதிவுகள் மற்றும் அதில் அற்புதமான படங்களையும் வைத்து “விளக்குவார்”.

அடுத்தவரை, முகம் தெரியாதவரையும், போலியாக “நண்பரே” என்று அழைப்பார். விவாதிக்கலாம் என்று அழைத்து “அம்பி” பட்டம் வழங்குவார்.

இத்தனைக்கும் சமண மதத்தைச் சார்ந்த தமிழ் பதிவிரை இப்படி “அம்பி” பட்டம் வழங்கியதில் “நான் எதுவும் தெரிந்து தவறு செய்யவில்லை” என்று கூறிய உயர்ந்த உள்ளம் படைத்தவர்.

இவர் இந்து அல்ல என்பதையும் உலகிற்குத் தெளிவு படுத்தியுள்ளார். ஆனால் இந்துக்கள் எந்த மொழியில் வழிபாடு நடத்த வேண்டும் என்பதில் மிகவும் திண்ணமாக உள்ளவர். அப்படி நீங்கள் மாற்றுக் கருத்துக் கொண்டிருந்தால் உங்களுக்கு அவர் தரும் பதில்.

…பேசுவதற்கு இனி வாய்ப்பும் இருக்காது, வாயும் இருக்காது.

கை.அறிவழகன் என்பதே இந்த இளைஞனின் பெயர். தமிழ் வேர்ட்பிரஸில் தமிழறிவு என்ற பதிவை நடத்தி வருபவர்.

மற்றவர்களை நாடோடி என்று வாய் கூசாமல் ஏசுவார். ஆனால் இவர் வாழ்வதோ பெங்களூரில். என்ன செய்வது ? பெங்களூரும் தமிழர்களின் சொத்து என்று தமிழ் எழுத்துக்கள் கொண்ட கிரேக்க மொழியில் எதிர்வினை வரலாம்.

ஒருவரை சாதி பெயர் வைத்து இழுவுபடுத்தும் முறையில் பேசுவது இந்திய சட்டப் படிக் குற்றம் என்று அறியாத தனியார் நிறுவன ஊழியர். இப்பொழுது சாதி பெயர் வைத்து திட்டியது பத்தாது உன் வாயை உடைப்பேன் என்றும் எந்த விதத் தயக்கமுமின்றி மிகவும் நாகரீகமாகத் இனியத் தமிழ் மொழியில் தன் காழ்ப்பைத் துப்பியுள்ளார்.

தமிழினத்தின் தூதராக கை.அறிவழகனை நியமிப்போமாக, நமக்குக் கண்டிப்பாக காவிரி நீரைப் பெற்று தருவதில் முனைப்புடன் செயல்படுவார். பொட்டித் தட்டுவதிலும், தனியார் நிறுவனத்தில் ஆணி புடுங்குவதிலும் மட்டுமே இவரது வீரம் நிற்காது என்றும் நம்பலாம்.

வாழ்க தமிழ்!
வளர்க போலிகளின் துவேஷம்!!

பி.கு: கூஜாகளின் ‘கருத்துக்கள்’ மட்டறுக்கப்படும்.

ஒரு மடயனும், ‘தம்பி’ சீமானும்!

சில நாட்கள் முன்னர் மடயனின் உலக தத்துவங்களை ஒருங்கிணைத்து வெளியிட்ட “நூலுக்கு”, விழா எடுத்தனர். தன்னைத் தானே போற்ற விரும்பாத மடயனை எப்படியோ விழாவிற்கு சம்மதிக்க வைத்துவிட்டார்கள் போலும்.

மடயனின் புத்தக விழாவில் கலந்து கொண்டு நூலை வெளியிட்டார் இயக்குனர் சீமான். சீமான் அந்த புத்தகத்தை படித்தாரா ?

மடயனின் சில பதில்களைத் தவிர்க்க முடியாத காரணத்தால் வெளியிடுகிறேன்.

1. …மணிரத்னம் ஒரு இந்து தீவிரவாதி மற்றும் மதன் ஆபாச எழுத்தாளன்

http://mathimaran.wordpress.com/2008/08/04/article104/

2. …ஏ.ஆர். ரகுமான் மற்றும் அப்துல் கலாம் பார்பனர் கை கூலி

http://mathimaran.wordpress.com/2008/01/08/%e0%ae%aa%e0%ae%be%e0%ae%b0%e0%af%8d%e0%ae%aa%e0%af%8d%e0%ae%aa%e0%ae%a9%e0%ae%95%e0%af%8d-%e0%ae%95%e0%af%88-%e0%ae%95%e0%af%82%e0%ae%b2%e0%ae%bf-%e0%ae%8f%e0%ae%86%e0%ae%b0%e0%af%8d-%e0%ae%b0/

3. உடலினை உறுதி செய் என்று பாரதியின் பாடலை உங்கள் தம்பி படத்தில் வைத்தீர்களே. ஆனால் இந்த மடயன், பாரதியை கட்டம் கட்டி அசிங்கபடுத்துகிறானே ? பாரதியை அசிங்கப்படுத்தியதிற்கு மடயனின் முழுபதிவையும் சுட்டியாகத் தர வேண்டும்.

மேற்கூறிய “விடைகளுக்கு” உங்கள் ஆதரவு உண்டா ? சீமான் அவர்களே உங்கள் பதிலென்ன ? பகுத்தறிவின் பகலவனே, சே.குவாராவின் வாரிசே, ராஜீவ் காந்தியைக் கொலை செய்த எல்.டி.டி.இயின் ஆதரவாளரே, தமிழ் பேசாதவன் உறுப்பை அறுக்க பரிந்துரைத்தவரே…பதில் இருந்தால் சொல்லுங்கள்!

உங்கள் இரட்டை நிலைப்பாட்டை (hypocrisy) ஏற்கனவே ஞாநியின் பேட்டியில் அறிந்தேன். மற்றவர்கள் சொல்லித் தரும் வசனங்களை வைத்துக் கொண்டு இந்த “பகுத்தறிவு” மடயனுடன் சேர்ந்து துவேஷத்தை பரப்ப முன் வந்தது வருந்தத்தக்க சூழ்நிலையே. மடயனுடன் சேர்பவர் மடயனாக இருக்க வேண்டும் என்று அவசியமில்லை, மாங்கா மடயனாகவுமிருக்கலாம்…

பி.கு. இந்த அரை வேக்காட்டு துவேஷம் பரப்பும் மடயனை எவர் எதிர்த்தாலும் அவர்கள் “ஆர்.எஸ்.எஸ்” அல்ல “சாதி வெறியர்கள்” என்று முத்திரைக் குத்தப்பட்டாலும் பரவாயில்லை. அத்தகைய “புகழ்ச்சிக்கு” நான் தகுதியுடையவன் அல்ல என்பதையும் இப்பொழுதே தெரிவித்துக் கொள்கிறேன்.

Outsourced: திரை விமர்சனம்

சிரிச்சு சிரிச்சு பார்த்த படம் Outsourced. அமேரிக்க என்ற ஒரே நாட்டில் தான் தங்கள் ஊர் மக்களுக்கு வேலைப் போனாலும் பரவாயில்லை வால் ஸ்ட்ரீட்க்கு பதில் சொல்லுவதற்காக எங்கு வேணும் நாலும் அடிமாட்டு விலைக்கு வேலையத் தள்ளி விடுவாங்க.

மருத்துவர்களின் தினபடி ஒலிப்பதிவுகளைக் கொப்புகளாக்குவது முதல் கணினி பிரச்சனை வரை அமேரிக்கர்கள் தொலைப்பேசி எடுத்தாலே இந்தியாவுக்கு போய் சேர்கிறது அந்த அழைப்பு.

இப்படி ஒரு சூழ்நிலையில் அமேரிக்காவின் கழுகு பொம்யையினை இணையம் மூலம் விற்று வரும் நிறுவனத்தில் வேலை செய்பவர் டாட் ஆண்டர்சன். இணையத்தில் விற்றாலும் பல அமேரிக்கர்களுக்கு தொலைப்பேசியில் வாங்கினால் தான் திருப்தி. அப்படி ஒரு கால் செண்டரில் வேலை செய்து காலத்தை சிரமம் இன்றி கழித்து வரும் ஆண்டர்சனைக் கூப்பிட்டு ”உனக்கு காரமான உணவு பிடிக்குமா” என்று கேட்கிறார்.

பிரெத்தியேகமா ஒன்றுமில்லை ஆனால் பிடிக்கும் என்று ஆண்டர்சன் சொல்ல நல்லது. நம்ம கம்பெனி கால் செண்டரை இந்தியாவிற்கு மாற்றப்போகிறோம் ”நீ அங்கு சென்று அவர்களுக்குப் பயிற்சி அளித்து வா ” என்கிறார்.

”அப்போ என் வேலை ?” என்று ஆண்டர்சன் கேட்க. அசட்டுத்தனமாக் கேட்காதே எல்லாம் ‘அங்கே’ என்கிறார் மேலாளர். “என் வேலைக்கு உலை வைகிறவனுக்கு நான் எப்படி பயிற்சி கொடுப்பது. நடக்கவே நடக்காது” என்று ஆண்டர்சன் கூற.

மேலாளர் “பயிற்சி கொடுத்தால் உன் பங்குகளை விற்கலாம், இல்லையென்றால் எல்லாம் அம்பேல்” என்று அச்சம் காட்டி இந்தியாவிற்கு அனுப்புகிறார் ஆண்டர்சனை.

இந்திய கால் செண்டரில் ஒரு அழைப்பிற்கு 6 நிமிடம் மேல் இருக்கக் கூடாது என்று இலக்கு நிற்னையிக்கப் படுகிறது. இந்தியர்களை அமேரிக்க ஆக்செண்டில் பேச வைக்க போராடுகிறார் ஆண்டர்சன். ஆனால் பலரும் வேண்டா வெறுப்பாக வேலை செய்வதை உணர்ந்து உங்களுக்கு என்ன வேண்டும் என்று கேட்கிறார்.

உங்கள் கம்பனி விற்கும் பொருட்களில் சிலவற்றை பரிசாகத்தர முடியுமா என்று ஒரு ஊழியர் கேட்கிறார். மொட்டையாக இருக்கும் என் அலுவல் கியூபில் என் குடும்ப புகைப் படங்களைக் கொண்டு அடுக்கலாமா என்று மற்றொருவர். சாமி விக்ரகங்கள் வைத்துக் கொள்ளுவோமா என்று ஊழியர்கள் வினவ – ஆண்டர்சன் தமக்கும் இந்தியர்களுக்கிடையே உள்ள இடைவெளியை உணர்கிறார்.

சும்மா 6 நிமிடத்தில் அழைப்பை முடி என்றால் வேலைக்கு ஆகாது, இவர்கள் கேட்பதையும் கொடுக்க வேண்டும். 6 நிமிட இலக்கை எட்டவில்லையெனில் அமேரிக்கா திரும்ப முடியாது என்ற மேலாளரின் மிரட்டலும் அச்சுறுத்த தன் யுக்தியை மாற்றுகிறார், ஆண்டர்சன்.

ஊழிர்களில் சிறந்து விளங்கும் ஒரு பெண்னை (ஆஷா) துணை மேலாளராக நியமிக்கிறார். ஊழியர்கள் கேட்கும் சின்னச் சின்ன விஷயங்களைத் தருகிறார். 6 நிமிட இலக்கையும் அடைகிறார்.

இதற்கிடையில் ஆஷாவுடன் ஏற்படும் ‘காதல்’, இந்திய கால் செண்டரின் மேலாளர் அடிக்கும் கூத்து, விருந்தினர் வீட்டில் நடக்கும் கலாட்டக்கள் என்று படம் முழுக்க ஒரு உணர்வு ரீதியான நகைச்சுவை மிளிர்கிறது.

இவ்வளவு கஷ்ட்டப்பட்டு 6 நிமிடம் கொண்டு வந்தாலும் அது ஆண்டர்சனுக்கு வெற்றியாகிறதா ? காதல் கைக்கூடுமா ? சீனா எங்கே திடீரென வந்தது ? என்பதே மீதிக் கதை.

கிடைத்தால் தவறாமல் பார்க்கவும் – Outsourced!

ஆப்போ ஆப்பு

இன்வெஸ்ட்மெண்ட் பெங்கர்னு சொன்னாலே தனி மவுசு. சில மாதங்கள் முன்னர் நியூ யார்க் நகரத்தில் உள்ள லிபர்ட்டி சிலையைப் பார்க்கச் சென்றோம். அந்த சிலையைப் பார்க்கச் செல்லும் வழியில் மிக அழகிய கட்டம். பெரிய பெரிய ஜன்னல்கள். ஜன்னலிலிருந்து பார்த்தால் அட்லாண்டிக் சமுதிரம். அங்கே வீற்றிருந்த சுதந்திர தேவினு ஒவ்வொரு நாள் விடியலே சுகம் தான்.

வாடகை என்னனு கேட்க அதெல்லாம் தெரியாது “என் கசின் இன்வெஸ்மெண்ட் பெங்கர், அவனாலத் தான் இங்க தங்கமுடியும்” என்றாள் எங்களுடன் வந்த பெண். சரி தான் இது புலிச்ச பழம் என்று சொல்லி அருகில் உள்ள பூங்காவில் படகு சவாரி வரிசைக்குச் சென்றோம். ”காலை ஏழு மணிக்குப் போனா மாலை அல்ல இரவு ஒன்பது மணி கூட ஆகலாம் ஆனால் நல்ல காசு” என்றாள். ”யாருக்கு?” ”இன்வெஸ்மெண்ட் பெங்கருக்கு” என்ற பதில் வர. பொதும்மா வயத்தெரிச்சலக் கெளப்பாதே என்று அத்தொடு பேச்சை கட் செய்தோம்.

 இன்வெஸ்மெண்ட் பெங்கரின் வேலை எங்கு பணத்தைப் போட்டால் எவ்வளவு லாபம் வரும் என்பது இரண்டு வரி விளக்கம். இது நாளடைவில் எவ்வளவு சீக்கிரம் அந்த லாபம் வரும் என்ற துண்டு சீட்டையும் இனைக்க நேர்ந்தது வால் ஸ்ட்ரீட் நிர்பந்தத்தால்.

நீங்கள் சேர்த்து வைக்கும் பி.ஃப், ஐ.சி.ஐ.சி.ஐ பாண்டுகள், எல்.ஐ.சி. காப்பீடுகள் எல்லாம் எங்கே போகிறது என்று நினைத்தீர்கள். எல்லாம் இது போன்ற வணிக நிறுவனங்கள் நாங்கள் முதலீடு செய்கிறோம் எங்களிடம் கொடுங்கள் என்று பெற்றுக் கொண்டு மீண்டும் அதனை பங்கு மார்கேட்டில் போட்டனர்.

சில காலமாத்தில் பங்கு மார்கேட் மிகவும் நம்ப முடியாத வருவாயாக மாறிவிட நிலையான வருவாய்க்கு ரியல் எஸ்டேட் வியாபாரமே சரி என்று சில வணிக நிறுவனங்கள் முடிவு செய்தனர்.

2000 ஆம் ஆண்டு தொடக்கத்திலிருந்து குறைந்த சதவிகிதத்தில் அமேரிக்கர்களுக்கு வீட்டு கடன் கிடைக்கத் தொடங்கின. கடன் கட்டத் தகுதி உடையவரா அல்ல அந்த அளவிற்கு ஊதியம் உடையவரா, நிலம் மற்றும் சில அசையா சொத்துக்கள் உடையவரா என்று நிதானித்து கடன் கொடுத்து வந்தனர்.

நிறைய முதலீடு செய்ய முடிந்தது ஆனால் கனிசமாக இலாபம் பார்க்கத் தொடங்கினர் அமேரிக்க வணிக நிறுவனங்கள். இதுவே சரியான வழி என்று முடிவுக்கு மற்ற பிற நிறுவனங்களும் பணத்தை வீட்டு கடனுக்கு ஒதுக்கியது.

இப்பெரிய நிறுவனங்கள் நேரடியாக வாடிக்கையாளர்களுடன் தொடர்பு கொள்ள மாட்டார்கள். சிறிய கடன் வழங்கும் நிறுவனங்கள் பலவற்றை ஒருங்கினைத்து ஒரு குறிப்பிட்டத் தொகையைக் கொடுத்து. எவ்வளவு இலாபம் வர வேண்டும் என்று கூறிவிடுவர்.

இச்சிறிய நிறுவனங்களும் இலாபம் வந்தால் சரி என்று குப்பனுக்கும் சுப்பனுக்கும் கடனை சகட்டு மேனிக்கு வாரி வழங்கினர். கடனாளியால் திருப்பித் தர முடியமா முடியாதா என்ற அளவு கோளை அவரவர் இஷ்டம் போல மாற்றிக்கொண்டனர்.

நீ இல்லை என்றால் வேறு என்று வாடிக்கையாளர்கள் குதூகலத்துடன் கடன் வாங்கினர் – மாறக்கூடிய வட்டியில். தொடக்கத்தில் பலர் 5% முதல் 8% வட்டி கொடுத்தனர். 30 வருடத்திற்குக் கட்டலாம். முன் பணமாக கடன் தொகையிlல் 10% கட்டினால் போதும்! அதாவது $400,000க்கு $40,000 முன் பணம் செலுத்தினால் போதும்!

ஆண்டுகள் சிலவாக மெல்ல அந்த வட்டி விகிதத்தை பெரிய நிறுவனங்கள் ஏற்றத் தொடங்கினர். வாடிக்கையாளர்கள் இனி இது வேலைக்கு ஆகாது வீடும் வேண்டாம் ஒரு மண்ணும் வேண்டாம் என்று வீட்டை விற்பனைக்கு போட்டனர்.

ஒரே சமயத்தில் பலரும் விற்பனைக்கு வீட்டைப் போட விலை மளமளவென சரிந்தன. கடன் கொடுத்த வங்கியிடமே வீட்டை எடுத்துக்கொண்டு விற்றுக்கொள்ளுங்கள் என்ற நிலை 2007ல் அதிகம் நடக்கத்தொடங்க முதலுக்கே மோசம் ஏற்பட்டதை உணர்ந்தனர் பெரிய வணிக நிறுவனங்கள்.

சென்ற ஆண்டு சிட்டி வங்கி தன் சில சொத்துக்களை அரபு இளவரசருக்குத் தாரை வார்த்தது. தன் நிறுவன தலைவரான இந்தியருக்கு வால் ஸ்ட்ரீட்டிலேயேக் குறைந்த சம்பளத்தைக் கொடுத்தது. பிறகு அமைதி எல்லாம் சரியாகிவிடும் என்பது போல் புஷ் அரசாங்கமும் பாசாங்கு செய்தது. ஏற்கனவே போரால் வெறுப்புடன் இருக்கும் மக்களை இப்பொழுது வீட்டுக் கடன் குளறுபுடி மண உளைச்சலும் ஆட்கொண்டது.

2008ல் இந்த தாக்கத்தில் பெரும் ஆலமரங்கள் தங்கள் விழுதுகளாலேயே விழுந்தனர். விழுந்ததில் சில

1. Bear and Sterns
2. Lehman Brothers
3. Freddie Mac and Fannie Mae
4. A.I.G
5. Merrill Lynch

 இவ்வீட்டு கடன் தொல்லையில் மாட்டிக் கொள்ளாத ஒரு நிறுவனம்  Bank Of America. BOFA தான்  Bear and Sterns மற்றும் Merrill Lynch  நிறுவனங்களை அடிமாட்டு விலைக்கு வாங்கியுள்ளது. Freddie Mac and Fannie Maeவினை அமெரிக்கன் ஃபெடரல் நிறுவனம் தாற்காலிகமாகத் தத்தெடுத்துள்ளது. Lehman Brothers  நாங்கள் போண்டி என்று இன்று அறிவித்துள்ளனர்.

என்ரான் நிறுவனத்தின் வீழ்ச்சியிலிருந்து பாடங்கள் கற்றுக்கொண்டிருப்பார்கள் என்று எதிர்பார்த்தது தவறே. இவர்களுக்கு ஏற்பட்ட நஷ்டம் டிரில்லியன் டாலர்கள் எனலாம். என்னால் பொளந்த வாயை மூட முடியவில்லை.

வால்மார்ட் ஒரு அறிமுகம்

வால்மார்ட் ஒரு அறிமுகம் -

இன்று வால்மார்ட்டின் பெயர் கேட்டால் செவி சாய்க்காதவர்களை விரல் விட்டு எண்ணிவிடலாம். கெப்டலிஸத்தின் (முதலாளித்துவம்) ஒரு பிம்பமாக திகழும் அமேரிக்க நிறுவனம் வால்மார்ட்.

1962ல் சாம் வால்டன் தொடங்கிய இந்த அங்காடி ஐந்தே வருடங்களில் 12 மில்லியன் டாலர்கள் வருமானத்தைத் தொட்டு சாதனைப் படைத்தது. வால்டன் 1992ல் இறக்கும் முன் அமேரிக்க ஜனாதிபதியிடமிருந்து சுதந்திர பதக்கத்தைப் (freedom medal) பெற்றார்.

2002ல் பங்குதாரர்கள் கூட்டத்தில் இன்று நம் கம்பனியின் வருமானத்தை இவ்வாறு விவரிக்கலாம் என்றார் ஒரு வால்மார்ட் அதிகாரி

வால்மார்ட் = ஒரு மைக்ரோசாப்ட் + ஒரு ஐ.பி.எம் + ஒரு எச்.பி + ஒரு சிஸ்கோ

இந்த வார்த்தைகளைக் கூறி முடித்தவுடன் பங்குதாரர்கள் டி-20 உர்ச்சாக வீராங்கனைகள் போல் வால்மார்ட் – வால்மார்ட் என்று மந்திரம் ஓத ஆரம்பித்துவிட்டனர்.

இப்படி அசுர சாதனைப் படைத்த நிறுவனம் உலகில் இல்லவே இல்லை என்று சொல்லும் அளவுக்கு வளர்ந்து கொண்டிருந்தது. ஆனால் 2005ல் அதன் வளர்ச்சி தென் திசையை நோக்கி செல்லத் தொடங்கும் பொழுது “நாங்களும் மனிதர்கள்” என்று நிர்வாகம் கூறியதும் வானத்தில் மிதந்து கொண்டிருந்த வால்மார்ட் பங்குதாரர்களுக்குத் திடீரென தோல் சுட்டது.

இன்று மித்தலின் இந்திய நிறுவனமான பாரதியுடன் இணைந்து இந்தியாவில் நூற்றுக்கும் அதிகமான அங்காடிகளை 2009ல் தொடங்கவுள்ளது வால்மார்ட். ஏற்கனவே மக்கள் வாழ்வில் சமநிலை கொண்டுவர போராடிக் கொண்டிருக்கும் இந்தியாவில் வால்மார்ட் கால் வைத்தால் என்னவாகும். ரிலையன்ஸ் ஃப்ரெஷ் போன்ற நம் நாட்டு நிறுவனங்களுக்கே பல இடங்களில் தீவிர எதிர்ப்பு கிளம்பியுள்ளது.

வால்மார்ட்டின் தாய் நாடான அமேரிக்காவில் சுனாமி போல் பல மாம் அண்ட் பாப் என்று அழைக்கப்படும் குப்பன் சுப்பன் கடைகள் அடித்து நொருக்கப்பட்டன – போட்டி என்ற பெயரில்.ஒரு நிறுவனத்தின் கையில் இத்துனை பலம் தகுமா?

தன் ஆல்வேஸ் லோ பிரைசஸ் என்ற தாரக மந்திரத்தால் பொது மக்கள் பயனடைகின்றனர் என்பது நிதர்சன உண்மை என்றாலும் மலிவு விலைக்கு பலியான ஆலைத் தொழிலாளர்கள் எண்ணிக்கையும் கனிசமானது.உலகமயமாக்கம் என்ற போர்வையில் பல நீலக் காலர் வேலைகள் சீனாவிற்கு ஏற்றுமதி செய்யப்பட்டது. இதற்கு பில் கிளிண்டன் அரசு அட்ஷதைப் போட்டு ஆசீர்வதித்தது.

இப்பொழுது வால்மார்ட் சீன உறவு என்பது முறண்பாடான படுக்கை பங்காளிகள் போல். அமேரிக்க அரசாங்கத்துக்கு கம்யூனிசம் என்றாலே ஆகாது. உலகிற்கு மனித உரிமைகளைப் போதிக்கும் அமேரிக்கர்களுக்கு பணியில் அடிப்படை வசதிகள் இன்றி, இரவு பகலாக ஒரு கூண்டுப் புறாவைப் போல் சீனர்கள் தயாரிக்கும் விலைக் குறைந்த பொருட்கள் தேவைப்படுகிறது. இப்படி ஒரு “சித்தாந்ததிற்கு” வித்திட்டது வால்மார்ட் என்கிற நிறுவனமே.

தன் நாட்டில் தன் தொழிலில் வெற்றி பெற – ஏன் அசுர வெற்றி பெற தன் நாட்டு தொழிலாளர்களின் வாழ்க்கைத் தரத்தை துடைத்தெரிந்தது வால்மார்ட் என்றும் பல விமர்சனங்கள் எழுந்துள்ளன. இதில் முக்கியமானது வால்மார்ட் பங்கு கொண்ட Anti-dumping கேஸ் (சீனாவில் தயாரித்த டி.விகள் போட்டியை அழிக்கும் அளவிற்கு மிக மலிவான விலையில் இறக்குமதி செய்யப்படுவதாக நடந்த கேஸ்). இதில் வால்மார்ட் சீனர்களுக்கு ஆதரவாக வாதிட்டது.

வால்மார்ட்டின் வெளிநாட்டு முதலீடுகள் பல தோல்வியில் முடிவடைந்தது என்பதையும் உணர வேண்டும். இந்தோநேஷியாவில் 90களில் அரசியல் சிறத்தன்மை இல்லை என்று ஒதிங்கிக்கொண்டது. ஜெர்மனியில் மெட்ரோ என்ற நிறுவனத்துடன் போட்டிப் போட இனி இயலாது என்று தன் கடைகளை விற்றது. தென் கொரியாவிலும் அதே கதி.

தொழிலாளர்களுக்கான காப்பீடு இன்மை, குறைந்த சலுகைகள், தொழில் நிமித்த நிறைவின்மை, செக்கு மாடு போல வேலை செய்ய வேண்டிய மணித்துளிகள், சட்டத்துக்கு புறம்பான மெக்சிக்கன் தொழிலாளர்கள் என்று பல குறைபாடுகள், ஓட்டைகள் வால்மார்ட் சக்கரத்தில் மாட்டிக் கொண்ட அசிங்கங்கள்.

இருப்பினும் உலகிற்கு வால்மார்ட் மிகத் திறனாக செயல்படுதல் (super efficiency), பொருட்களில் பார்கோட் கொண்டு இன்வெண்ட்ரி மேனேஜ்மெண்ட் நிறப்புதல், அசுர வேகத்தில் பல ஊர்களில் கடைகளைத் திறப்பது என்று பல யுக்திகளின் முன்னோடியாகவும் திகழ்ந்தது.

வர்த்தகர்கள் (Vendors) என்ன விற்க போகிறோம், என்ன விலைக்கு விற்கலாம் என்று சொல்லிவந்த காலம் மாறி இனி இந்த பொருளை இந்த விலைக்கு விற்க முடிந்தால் நாங்கள் வாங்குவோம் இல்லையெனில் வேறு நிறுவனம் என்று சப்ளை டிமாண்ட் சமன்பாட்டையே மாற்றி எழுதிய நிறுவனம் வால்மார்ட்.

ஒரு அரை நூற்றாண்டுக்கு முதலாளித்துவ வணிக உலகின் முகவரியாகத் திகழுந்த வால்மார்ட் இன்று இணைய நிறுவனங்களிடம் பலத்த போட்டியை எதிர் கொண்டிருக்கிறது. இசைக் குறுந்தகடுகள் விற்பனையில் முதலிடத்தில் பல பத்தாண்டுகளாகக் கோலோச்சிய வால்மார்ட் இன்று ஆப்பிளின் ஐ-டியூன்ஸிடம் தோற்றது. அமேசான் தரும் குறைந்த விலை புத்தகங்கள் வால்மார்ட் பங்குதாரர்களைக் கவலைக் கொள்ளச் செய்துள்ளது. வால்டன் கண்ட இந்த சாம்ராஜ்ஜியம் இனி எங்கே செல்லும் ?

வாங்கலையோ வலைப்பூக்கள்

எழுத்து சமூக வாழ்வின் முன்னேற்றத்திற்கு உதவ வேண்டும் என்று சொன்னாலும் பணம் பண்ண முடியலைனா பிறகு அந்த எழுத்தாளர் நிலைமை என்னவாகும்?

ஆனால் எழுத்தை வியாபரமாக செய்தோம் என்றால் இவர் காசுக்காக எழுதுகிறார் என்று பலரும் சட் என்று தேங்காய் தெரித்தார் போல கூறுகின்றனர்.

எப்படி வலைப்பூக்கள் பரபலமானதோ அது போல் அதில் எழுதும் எழுத்துக்களுக்கு மதிப்பு வார்த்தைகளோடு மட்டுமே நின்று விடுகிறது.

வலைப்பதிவுகளை நாம் பணம் செய்ய உபயோகிக்க முடியுமா? விளம்பரங்களுக்கும் வலைப்பூக்களுக்கும் உள்ள இடைவெளி என்ன?

1. சொந்த கருத்துக்கள்: இதுவே வலைப்பூவின் நோக்கமல்லவா? நம் சிந்தனையை அழுத்தம் திருத்தமாக ஊருக்கே அறிவிக்கத்தானே இங்கு வந்துள்ளோம். நல்லது…ஆனால் விளம்பரதாரர்கள் நம் எழுத்துடன் ஒத்துப்போவார்களா? விளம்பரங்கள் என்பது தங்கள் சேவையை நல்ல முறையில் வெளிக்கொணற பயன்படும் ஊடகம் , அங்கு போய் தனிநபர் தாக்குதல் அல்ல மெவரிக் கொள்கைகள் மற்றும் சித்தாந்தங்களை முன் வைத்தால் விளம்பர பிராண்ட் கெட்டு போய்விடும். எனவே விளம்பரம் செய்ய நினைத்தால் உங்கள் கருத்துகள் சபை நாகரீகத்தை மதிக்க வேண்டும். அதற்காக கூளக்கும்பிடு போடச் சொல்லலை ஆனால் பண்பான சொற்களைப் பயன் படுத்துதல் அவசியம்.
2. வாசகர்கள்: நாம் சொந்தக் கருத்துகளை வெளியிட்டாலும் எத்துனைப் பேர் நம் பக்கத்தைப் படிக்கிறார்கள். ஒரு வலைப்பூவின் முதல் வெற்றி வாசகர் எண்ணிக்கை தான். இது பொது ஊடகங்களான பத்திரிக்கை , வானொலி , தொலைக்காட்சி என்று எல்லோருக்குமே பொருந்தும் விஷயம்.
3. உங்கள் வாசகர்கள் என்ன எதிர்பார்க்கிறார்கள் என்பதை உணரத் தொடங்குவது வெற்றிக்கு மிக முக்கியம். அப்புறம் சொந்த கருத்து என்னாவது? திரைப்படங்கள் , பாடல்கள் , அரசியல் , வாழ்க்கை , மொழி என்று பல்வேறு தளத்தில் எழுதும் பொழுது இதில் உங்கள் சொந்தக் கருத்துக்களைத் தெளிவாக சொல்லலாம்.
4. புல்லும் ஆயுதம்: குறைந்தது ஒரு விஷயத்தில் உங்கள் வலைப்பூகள் சிறந்து விளங்கினால் தான் விளம்பரங்களைப் பற்றி யோசிக்க இயலும். இல்லையெனில் அச்சந்தினை மன வேதனையை மட்டுமே தரும். எதாவது ஒரு விஷயத்தைத் தேர்ந்தெடுங்கள் உதாரணமாக புத்தகம் படிக்கும் பழக்கம் உள்ளவர்கள் புத்தக விமர்சனமோ அல்ல விரிவாக்கமோ அல்ல கதை மாந்தர் விளக்கமோ செய்யலாம். ஏன்? மூன்றையும் செய்யலாம். எனவே நீங்கள் முதலில் என்ன செய்ய போகிறோம் என்று தீர்மானம் செய்ய வேண்டும்.
5. கிறுக்கல்கள் , புலம்பல்கள் , சொந்த கதை , குழாயடி சண்டைப் போன்றவற்றை அரவே தவிர்க்கவும். முதலில் கிண்டலாகத் தொடங்கும் வலைப்பூக்களுக்கும் , தரமான வலைப்பூக்களுக்கும் இதுவே முதல் வேறுபாடு என்று நினைக்கிறேன். சொந்த கதைக் கேட்டு உச்சுக்கொட்ட நாலு பேர் வரலாம். ஆனால் விளம்பரங்கள் வராது.

இவ்வளவு செய்தாலும் உங்கள் வலைப்பூவிற்கு விளம்பரம் வரும் என்று சொல்ல இயலாது. ஏன் ஒன்று கூட வராமல் போகலாம்.

இதற்கு முக்கிய காரணம் நம் தமிழ் வலைப்பதிவுகளுக்குத் தேவையான விளம்பர சந்தை இன்னும் வளரவில்லை.

இருப்பினும் இருளுக்குப் பின் வெளிச்சம் வரத்தானே வேண்டும். முதலில் தமிழ் அல்ல இந்திய இணையத்தில் யார் யார் விளம்பரம் செய்ய தயாராக உள்ளனர் என்பதை கண்டறிவோம். இதில் நீங்களும் உதவலாம்.

எனக்குத் தெரிந்த வரை கல்யாணம் , புடவைகள் , கிரைண்டர் , ஜாப் சம்மந்தமான விளம்பரங்கள் பார்க்கிறேன். வலைப்பூக்கள் விளம்பரக் குழுமம் போல் தொடங்கலாம். ஆனால் அந்த குழமம் நல்ல புரொஃபஷ்னலாக இருத்தல் மிக அவசியம்.

NHM எழுத்தாளர்கள், பதிப்பாளர்கள் வலையுலகில் பிரபலங்களே. ஆனால் அந்நிறுவனத்தின் புத்தகங்களை ஏன் வலைப்பதிவர்கள் மூலம் விளம்பரம் செய்யக் கூடாது. Amazon referral system வைத்துள்ளதைப் போல் இவர்களும் தொடங்குவார்களா?

பண்டிகைகள் என்றால் குத்தாட்ட பாட்டுகளுடன் புடவைய வாங்குங்க , பட்டாச வாங்குங்கனு தொலைக்காட்சியில் விளம்பர படுத்தும் நிறுவனங்களின் ஒரு சதவிகிதம் வலைப்பூக்களுக்கு வந்தால் எழுத்தாளர்களுக்கு அது பிரணவாயுவாக அமையும். செவி சாய்ப்பவர் யார்?

நீங்களும் இதைப் பற்றி எழுத விரும்பினால் நாம் இதனை ஒரு தண்டோரா பதிவாக்கலாம். தொடர் சங்கிலியைத் தொடங்குவோமா?

தலைப்பு வாங்கலையோ வலைப்பூக்கள்.

21: திரைப் பார்வை

பென் தன் 21ம் பிறந்த நாளை கல்லூரி பப்பில் தன் நெருங்கிய நண்பர்களுடன் கொண்டாடுகிறான். தன் தாயுடன் கேக் வெட்டி வாழ்த்துகளும் பெறுகிறான். எம்.ஐ.டியில் (M.I.T) படிப்பு படிப்பு என்று இருக்காதே உனக்கென நேரம் ஒதிக்கிக் கொள் என்று அம்மா பென்னை அறிவுறுத்துகிறாள்.

ஹார்வர்ட் மெடிக்கலில் சேர விண்ணபித்திருக்கும் பென் அதற்கான அனுமதி கிடைத்தும் பண வசதியில்லை என்று ராபின்சன் ஸ்காலர்ஷிபிற்கு விண்ணப்பிக்கிறான். ஹார்வர்டில் சேர வேண்டும் என்பது அவன் வாழ்க்கைக் கனவு. $300,000 செலவாகும் ஸ்காலர்ஷிப்பிருந்தால் ஒரு நாயா பைசா செலவில்லாமல் படித்துவிடலாம். ஆனால் அவன் நேரம் அந்த வருடம் 76 பேர் ஸ்காலர்ஷிப்பிற்கு விண்ணபித்திருந்தனர்.

மின்னுவதெல்லாம் பொன்னல்ல என்று ஹார்வர்ட் நிர்வாகி தெரிவிக்கின்றார். ஏன் ஹார்வர்ட் உன் வாழ்க்கைக் கனவு என்ற கேள்விக்கு தகுந்த பதிலளித்தால் உனக்கு ஸ்காலர்ஷிப் என்கிறார் நிர்வாகி.

எம்.ஐ.டி இறுதி ஆண்டில் Non-Linear Equations  வகுப்பில் மிக்கி ரோஸா (Kevin Spacey) என்ற பேராசிரியர் பென்னிற்கு பாடம் நடத்துகிறார். அவர் பென்னின் கணித ஆற்றலை கண்டறிகிறார்.

ஒரு நாள் அவனை அழைத்து உன் ஹார்வர்ட் பிரச்சனை ஸ்காலர்ஷிப்பின்றி முடிக்கலாம் என்று சொல்கிறார். ஆனால் அதற்கு உன் அபார கணித ஆற்றலும் உணர்ச்சி வசப்படாதத் தன்மையும் மட்டுமே உதவும் என்கிறார். மிக்கியிடம் ஒரு அணி உண்டு. நால்வர் கூட்டம் அது. அதில் பென்னை  ஐந்தாவதாக சேர்ந்துக் கொள் என்கிறார் மிக்கி.

லாஸ் வேகாசிற்குச் சென்று பிளாக் ஜாக் ஆட்டத்தில் வெற்றி பெருவதே இந்த அணியின் திட்டம். இதற்கு பல சுவாரசியமான யுக்திகள் கையாள மிக்கி உதவுகிறார். ஆனால் இதில் பென்னின் சீட்டுகளை எண்ணும்  (card counting) திறமை மிக முக்கிய பங்கு வகிக்கின்றது.

பென் முதலில் இத்திட்டத்திற்கு இசைவு தெரிவிக்க மறுக்கிறான். அணியில் ஒருவரான ஜில் டெய்லர் என்ற பெண் மீது பென்னிற்கு ஒரு கண். அவள் அவனை வற்புறுத்தி அழைத்தவுடன் மனமிறங்குகிறான் பென்.

லாஸ் வேகாஸ் கெசினோகள் உலகப் புகழ் பெற்றவை. அங்கு பிளாக் ஜாக் நம் ரம்மி போல் அனைவரும் விளையாடுவர். மிகவும் எளிமையான ஆட்டம்.

டீலர் கெசினோ தரப்பில் ஆடுவார் நாமும் அந்த ஆட்டத்தில் பந்தயம் கட்டலாம். அனனவருக்கும் முதலில் இரண்டு சீட்டுகள் வழங்கப்படும். சீட்டின் எண்ணிக்கை 21க்கு கீழ் இருந்தால் தொடர்ந்து ஆடலாம். 21க்கு மேல் இருந்தால் பந்தய பணம் போகும். 21 என்று சரியாக இருந்தால் அது தான் பிளாக் ஜாக்.

21க்கு கீழ் இருக்குமெனில் குறைந்த பட்ச பெட் வைத்தால் தான் தொடந்து ஆட முடியும். குறைந்த பட்ச பெட் வைப்பதா அல்ல அதிக பட்ச பெட் வைப்பதா என்ற இடத்தில் தான் சீட்டு எண்ணுதல் (card counting) வருகிறது.

இவ்வாறு சீட்டு எண்ணிக்கையின் மூலம் பணத்தை ருசி காண்கிறான் பென். மிக்கி விளையாட மாட்டான். ஆனால் அனைவரையும் ஆட்டிப் படைபான். ஆட்டத்தை விட்டு விலகு என்று ஒரு முறைக் கூறிவிட்டால் உடனே விலக வேண்டும். தொடர்ந்து பெட் செய்து பணம் பரிகொடுத்தால் அதற்கு நட்ட பணத்தை திரும்பத் தர வேண்டும்.

முதலில் $300,000 பணம் சேர்ந்த உடன் அணியிலிருந்து விலகி விடுவேன் என்று கூறும் பென் இன்று ருசி கண்ட பூனையாய் மாறுகிறான்.

ஒரு முறை அத்து மீறி பணத்தை இழக்கிறான் பென். மிக்கியையும் எதிர்க்கிறான். மிக்கி இல்லாமலே விளையாடலாம் என்றும் இனி அணியின் தலைவர் நான் தான் என்றும் அறிவிக்கின்றான்.

இதற்கு மிக்கியின் பதிலடி என்ன? சீட்டு எண்ணி பணம் சம்பாதித்தால் கெசினோக்கள் சும்மா இருக்குமா? பென்னின் ஹார்வர்ட் கனவு நிறைவேறுமா? நட்பு , துரோகம் , பழி , பிராயச்சித்தம் என்று மசாலா பட பாணியில் மீதி கதை நகர்கிறது.

இப்படம் எம்.ஐ.டி மாணவர்களின் அனுபவங்களைக் கொண்ட Bring the house down புத்தகத்தின் அடிப்படையில் தயாரிக்கப் பட்டது. பாஸ்டன் (எம்.ஐ.டி வளாகம்) அருமையாக படம் பிடிக்கப்பட்டிருக்கிறது. ஆனால் எம்.ஐ.டிக்குள் அனுமதிக்கப்படவில்லை. பாட வகுப்புக் காட்சிகள் பாஸ்டன் பல்கலையில் நடத்தப் பட்டது. வேகஸில் படப்பிடிப்பும் அருமை.

படத்தில் பல ஓட்டைகள் உண்டு ஆனால் இது புனைவுக் கதை என்பதால் பெரிதும் பொருட்படுத்தத் தேவையில்லை. இரண்டு மணி நேரம் நல்ல டைம் பாஸ்!

Google Chrome: ஒரு பயனர் பார்வை

கூகிள் கிரோம் (கூ.கி) உலாவியின் வெற்றி அதைப் பயன் படுத்துகிறோம் என்றே தெரியாமல் இருப்பது தான் என்கிறார்கள் கூகிள் மென் பொருள் பொறியாளர்கள்.

ஏன் தினசரி பயன்பாட்டிற்கு கூ.கியை  நாம் பயன் படுத்தலாம் என்பதைப் பார்ப்போம்.

கட்டுமஸ்த்து

இது வரை நான் கூ.கியை பயன்படுத்தியதில் ஒரு முறைக் கூட உலாவி நொருங்கவில்லை. இது தினசரி பயன் பாட்டில் மிக முக்கியம் ஏனெனில் வங்கி கணக்கு சரி பார்க்க அல்ல பணம் அனுப்பும் நேரம் பார்த்து எத்துனை முறை உங்கள் உலாவி கழுத்தறுத்திருக்கும் ? கூ.கி. உலாவி அது போல் உடையாது. இதற்கு முக்கிய காரணம் ஒவ்வொரு பக்கமும் (Tab) அதன் மணற்தொட்டியில் உள்ள மெமரியை மட்டுமே பயன்படுத்துவதால் அடுத்த பக்கத்திற்கு பங்கம் ஏற்படுத்த இயலாது.

வேகம்

கண் மூடி கண் திரக்கும் நேரங்களில் பல வலைத் தளங்கள தருவிக்கப் படுகின்றன. இதற்கு இன்று பல வெப் 2.0 தளங்கள் ஜாவா ஸ்கிரிப்ட் பயன் படுத்துவது காரணம் எனலாம். கூ.கியில் V8 எனப்படும் புதிய ஜாவா ஸ்கிரிப்ட் வெர்ச்சுவல் மெஷின் நிருவப்பட்டது வெப் 2.0 தளங்கள் மின்னலென பரக்கிறது.

பாதுகாப்பு

Phishing எனப்படும் வெப் ஏமாற்று வேலையைத் தடுக்க whitelist பயன் படுத்துகிறது கூகிள். கூகிள் பொஸ்டினி (Postini) என்ற நிறுவனத்தை இதற்காக வாங்கியது. HTTPS தளங்களின் சான்றிதழ்கள் சரியில்லையெனில் சரியாக அடையாளம் காட்டுகிறது. Malware சனியனால் நம் கணினியில் எதுவும் எழுத முடியாது. எனவே நம் கணினி நம்மை அறியாமல் யாரும் இயக்க முடியாது.

இந்த மூன்று முக்கிய பிரிவுகளில் கூ.கி சிறந்து விளங்குகிறது. சராசரி பயனர்கள் பயன்பாட்டிற்கு மேற்கூறிய மூன்றும் போதுமானது.

குறைகளும் உண்டு அதில் முக்கியமானது மெமரி பயன்பாடு. சர்வ சாதாரணமாக 400MB எடுத்துக் கொள்கிறது. 512 MBயே கொண்ட கணினிகளில் கூ.கியின் செயல்பாட்டை நான் அறியவில்லை. கண்டிப்பாக தேவையான மெமரியைத் தான் எடுக்கும் என்று நினைக்கிறேன். இந்த குழப்பத்திற்குக் காரணம் குறைந்த பட்ச தேவை என்று ஒன்றைத் தெரிவிக்காதது.

எனவே 1GB மெமரி கொண்டவர்கள் தயங்காமல் கூகிள் கிரோமைப் பயன்படுத்துங்கள் என்றே சொல்லுவேன்.

Be Kind Rewind: திரைப் பார்வை

புல்லட் டிரேய்ன் யுகத்தில் மாட்டு வண்டி சவாரி என்பது போல் டி.வி.டி யுகத்தில் வி.ஹ்ச்.எஸ். வீடியோக் கடை நடத்துவது.

அது போல் வீடியோக் கடை நடத்துபவர் ஃப்லெச்சர் (Fletcher) என்னும் முதியவர். அவர் கடையை இடித்துவிட்டு அங்கே ஒரு புதிய கட்டிடம் வர வேண்டும் இல்லையெனில் கட்டிட சட்டதிட்டங்களுக்கு ஏற்ப கட்ட வேண்டும் என அரசாங்கம் தெரிவித்து விட்டு ஆரு வார கெடுவும் தருகிறது.

ஃப்லெச்சர் கடையில் வேலை செய்பவர் மைக் (Mike – Mos Def). ஒரு வீடியோ கெசட்டிற்கு ஒரு டாலர் என்ற விதத்தில் நடந்து வரும் கடையில் ஏன் வேலை செய்கிறோம் என்று தெரியாமல் வேலை செய்கிறார். 100 வருடங்கள் முன் இக்கட்டிடத்தில் ஒரு தலை சிறந்த ஜாஸ் கலைஞர் (Fats Waller) வாழ்ந்தார் என்பதையும் நம்புபவர்.

மைக்கின் நண்பன் ஜெரி (Jerry – Jack Black). ஜெரியின் வீடு ஒரு டிரேய்லர் வண்டி. அடிக்கடி ஜெரி மைக்கிடம் சென்ற ஏதவாது சேட்டை செய்ய துணைத் தேடுவான். அது போல் தான் வாழும் இடத்திலிருக்கும் மன்சார டிராண்ஸ்ஃபார்மர் தன் மூளையைக் குழப்புவதால் அதனை அழிக்க வேண்டும் என்று மைக்கிடம் சொல்கிறான்.

இதற்கு முன் ஜெரியை உள்ளே இனி அனுமதிக்காதே என்று ஃப்லெச்சர் மைக்கிடம் திட்டவட்டமாக சொல்லிவிட்டு அவர் கடையைக் காப்பாற்ற சில முயற்சிகளைச் செய்ய வெளியூருக்கு செல்கிறார்.

ஜெரி மைக்கின் அரைகுறை உதவியுடன் டிராண்ஸ்ஃபார்மரை காலி செய்யும் முயற்சி விபரீதத்தில் முடிகிறது. ஜெரி மீது பலத்த மின்சாரம் பாய்கிறது. அடுத்த நாள் வீடியோ கடைக்கு வந்து மைக்கிடம் நடந்ததைச் சொல்லி கொவப்படுகிறான் ஜெரி. வீடியோக் கடை வாடிக்கையாளரிடமும் வம்பு இழுக்கிறான். வாடிக்கையாளர் அகர வரிசையில் கேசட்டில்லை என்று சுட்டிக்காட்ட ஜெரி வீடியோக்களை வேண்டுமென்றே கலைத்து வைக்கிறான். மைக் நடுவில் புகுந்து ஜெரியை வெளியேத் துறத்துகிறான். வாடிக்கையாளரும் வீடியோ ஒன்றை பெற்று செல்கிறார்.

அடுத்த நாள் அதே வாடிக்கையாளர் வந்து இந்த வீடியோவில் எதுவும் தெரியவில்லை எல்லாம் அழிந்தது போல் இருக்கிறது என்கிறார். சற்று நேரத்தில் அடுத்த வாடிக்கையாளர் அதே போல் சொல்ல மைக்கிற்கு தலை சுற்றுகிறது. உடனே கடையில் உள்ள அத்துனை வீடியோக்களையும் பரிசோதிக்க எல்லாம் அழிந்து போயிருக்கிறது.

இந்நேரத்தில் ஜெரி கடைக்குள் வருகிறான். டி.வி. தான் பிரச்சனையாக இருக்கும் என்று யோசனை சொல்லி டி.வி. அருகே செல்கிறான். டி.வி. சல சலக்கிறது. மைக் அதனைக் கண்டதுடன் ஏன் உன் கைப் பட்டதுடன் டி.வி. வினோதமாக நடக்கிறது என்று கேட்க. தெரியலை என்கிறான் ஜெரி. மறுபடியும் டி.வி. அருகே ஜெரி கை செல்ல டி.வி. சல சலக்க மைக் என்ன நடந்ததென்று உணர்கிறான்.

ஜெரி மீது பாய்ந்த மின்சாரம் அவனை காந்தமாக (Magnet) மாற்றி விட்டது. வி.ஹ்ச்.எஸ் வீடியோக்கள் காந்த சக்தியில் அழிந்து போகக் கூடியவை.

ஏற்கனவே கடை அழியும் நிலையில் இருக்கு , முதலாளி ஃப்லெச்சரின் நம்பிக்கையையும் இழந்துவிட்டோம் என்று தவிக்கிறான் மைக்.

 பிறகு அவனுக்கு சிறு பிள்ளைத்தனமாக ஒரு சிந்தனை எழுகிறது. அந்த சிந்தனை மக்களிடம் நல்ல வரவேற்பு பெறுகிறது. இச்சந்தினையை மூலதனமாக வைத்துக் கடையைக் காப்பாற்ற முடியுமா? என்பதே மீதி கதை.

 முதல் பகுதி மிக சுவரசியம் என்றே சொல்ல வேண்டும். படத்தின் நகைச்சுவை இயற்கையாக இருப்பது படத்தின் பலம். படத்தின் இறுதி பகுதி சிறு பிள்ளைத் தனமாக இருக்கிறது என்று சொன்னால் அதைத் தான் இயக்குனர் விரும்பியுள்ளார். நம் நண்பர்களுடம் நாம் சிறு வயதில் நடத்திய சூப்பர் ஸ்டார் நாடகங்கள் அல்ல திருடன் போலீஸ் விளையாட்டை நினைவூட்டும்.

 இப்படத்திற்கு முன் பார்த்த Step Brother அறுத்தெடுத்ததால் என்னால் இப்படத்தை ரசிக்க முடிந்ததென்று நினைக்கிறேன். Be Kind Rewind  ஒரு முறை வாய்விட்டு சிரிக்கலாம்.