அண்ணா ஹசாரே ஆர்.எஸ்.எஸ் கருவி என்று சொல்வதற்கு சுப.வீக்கு என்ன நியாயம் இருக்க முடியும். ஊழல் பெருச்சாளிகள் ஏன் மீண்டும் ஆட்சிக்கு வர வேண்டும் என புத்தகம் எழுதியவர் ஆதாரங்கள் தர இயலுமா இல்லை வெறும் பிலாக்கணம் தானா ?

எல்லாவற்றையும் திராவிடத்திலும் ஈழத்திலும் கொண்டு போய் முடிக்கும் சுப.வீ  விளம்பரமில்லாத ஊழல் எதிர்ப்பை இவர் ஏன் நடத்தவில்லை ? ஊழல் குடும்பத்துடன் சேர்ந்ததால் ‘ஊழல்னு ஒண்ணுமே இல்லை’ என்று அடுத்த பகுத்தறிவுக் கட்டுரை வந்தாலும் வியப்பில்லை. ஆரிய – திராவிட பிளவு தான் ஆ.ராஜா மீது வழுக்குத் தொடர காரணம் என பகுத்தாய்ந்து வழக்காடியவர் இவர்.

காந்தியின் பெயரின்றி பெரியார் பெயருடன் செய்தால் இவருக்கு எல்லாம் நலம். திராவிட கோயில் பூசாரியாக இருப்பது தான் பகுத்தறிவோ ?

சூடிய பூ சூடற்க , நாஞ்சில் நாடனின் சமீபதத்திய கதைத் தொகுதி. சாகித்ய அகாதமி விருது வென்ற படைப்பிது.  ஒரு குறிப்பிட்ட படைப்புக்காக சாகித்ய அகாதமி விருது வழங்கினாலும் ஒரு எழுத்தாளரின் வாழ்நாள் சாதனை விருதாகவே அதனைப் பார்க்கிறேன்.

குடியரசு தினத்தை முன் வைத்துத் தொடங்குகிறது சூடிய பூ சூடற்க! சிறுகதை. குடியரசு தினம் ஏன் எதற்கு யாருக்கு ? யாரைக்கூப்பிட்டு நாம் கொடியேற்றச் சொல்கிறோம். மக்களுக்குகாக அரசா அல்ல அரசுக்காக மக்களா ? குடியரசு விழா என்கிற பெயரில் நடக்கும் மேடை நாடகத்தில் அரசாங்கம் , அரசு ஊழியர்கள் அவர்களது ‘அன்றாட நடவடிக்கைகள்’ , குடியரசு தலைவரின் ரப்பர் ஸ்டாம்ப் தன்மை என பூமிநாதன் வழியாக ‘குடியரசை’ப் பரிகாசித்தப்படியே செல்கிறது கதை.

எழுத்தாளர்கள் தற்கால அரசியல் நிகழ்விலிருந்து ஒளிந்து கொள்ளக் கூடாது. அதனை அனுகி தன்னுடைய எண்ணங்களை பதிவு செய்வதுடன் என்.ஜி.ஆர் போன்றோரின் தியாகங்களை இன்றைய தலைமுறைக்கு அறிமுகப் படுத்த வேண்டும். இவை இன்றைய நம்பிக்கையற்ற சமூகச் சூழலுக்கு மாற்றாக அமையும். நாஞ்சில் நாடன் இதனைச் செவ்வனே செய்கிறார்.

கடைந்தெடுத்த அயோக்கியர்களைக் கொண்டு காமன்வெல்த் விளையாட்டு நிர்வாகம் அமைக்கப்பட்டுள்ளது. 20 வருடங்களுக்கு மேலாக விளையாட்டுத் துறையில் சம்மதப்படும் அளவுக்கு சுரேஷ் கல்மாடியின் ‘சேவை’ என்ன ?

காமன்வெல்த் கணக்கு வழக்குகள் எகன மொகனையாக இருக்கிறது என்று மத்திய ஊழல் கண்காணிப்புத்துறை 2010 ஜுலையில் அறிவித்தும் சம்மந்தப்பட்ட இரு அதிகாரிகளை மட்டும் இடைநீக்கம் செய்து விட்டு தான் அப்பாவி என்று தொலைக்காட்சிகளுக்கு எந்த கூச்சமும் இல்லாமல் பேட்டிக் கொடுக்கும் தையிரியம் எங்கிருந்து வருகிறது ?

இத்துனை நடந்தும் விளையாட்டுகள் முடிந்த பின் சட்ட நடவடிக்கைகளைப் பார்த்துக் கொள்ளலாம் என்று இருக்கும் நாட்டின் தலைமை. கொலை நடக்கப் போகிறது என அரசாங்கத்திடம் தகவல் கொடுத்தால் ‘நடக்கட்டும் பிறகு பார்த்துக் கொள்ளலாம்’  என்ற பதிலுக்கு ஓப்பாகும். ‘இல்லை இல்லை கொலை நடந்தே விட்டது’ என்று நாம் சொன்னால் ‘கொலை செய்தவன் தடயங்களை அழிக்கட்டும் பிறகு பார்த்துக் கொள்ளலாம்’ என்கிறது அரசாங்கம்.

வல்லரசு , நாட்டின் கௌரவம் என லாவணி பாடிக்கொண்டு மாநில அரசர்களை விட பண்மடங்கு பகல் கொள்ளையடிக்க காமன்வெல்த் விளையாட்டு சிறந்த வழியாகிவிட்டது. விளையாட்டு என்றாலே ஊழல் என்கிற நிலை இன்று உலகெங்கும் நிலவுகிறது. ஆனால் பிற நாடுகளில் ஊழல் செய்தவர்கள் சில காலமேனும் கம்பி எண்ணித்தான் ஆக வேண்டும்.

இங்கு நாடாளமன்ற எம்.பிகளை வாங்கிய வழக்கிலேயே முன்னாள் பிரதமர் நிரபராதி என தீர்பெழுதும் நீதிமன்றங்கள் உள்ளன. ஊழல் செய்தவருக்கு அமைச்சர் பதவி தரும் அரசியல் கட்சிகள் உள்ளன.

பல நூறுகளில் ஊழல் செய்தால் மாட்டிக் கொள்ள அதிக வாய்ப்புள்ளது. இதே ஊழலை பலகோடியில் செய்தால் எந்த பிரச்சனையும் கிடையாது. காமன்வெல்த் , சார்க் விளையாட்டுகள் எல்லாம் பண முழுங்களின் விளையாட்டுத்திடலாகி விட்டன. விளையாட்டு வீரர்களின் சாகசமெல்லாம் இங்கு இரண்டாம் நிலைதான்…

பா.விஜய்க்கு சுக்குமிளகில் சூப் கொடுக்க வேண்டியது தான். ‘கண்ணும் கண்ணும் நோக்கியா’ கணக்காக வரும் கிலிமஞ்சாரோ என்ன சொல்லவறீங்க ‘ஆதிவாசிங்களா’ ? ‘ஆளளவுக்கு ஆலிவ் பழம்’ சாப்பிட சகிக்காது என்பது என் எண்ணம். எதுகை மோனைக்கு இருக்கும் முக்கியத்துவம் சொற்களுக்கும் பாடல் வரிகளின் ஓட்டத்திற்கும் சுத்தமாக இல்லை. சொல் விளையாட்டு என வைத்துக் கொள்வோம்.

இரும்பிலே ஓர் இருதயம் பாடலில் பயங்கரமான உச்சரிப்பால் வரும் விபரீதத்தைப் பாருங்கள்

இரும்பிலே ஓர் இருதயம் முளைக்குதோ

இரும்பிலே ஓர் இருதயம் முலைக்குதோ

பூஜ்ஜியம் ஒன்றோடு

பூவாசம் இன்றோடு

பூச்சியின் ஒன்றோடு

பூவாசம் இன்றோடு

I’m a super girl

உன் காதல் rapper girl

I’m a super girl

உன் காதல் rubber girl

யோகியின் ‘பூம் பூம் ரோபோ டா’ மண்டைக்குள் அறைகிறது. நீங்காது. ‘மலஅண்ணாமல’ என்ற தொடரைப் போல. பாடலின் மீதி மறந்துவிடும்.

அரிமா , மலைப் பாம்பு என்று விஞ்ஞானியை வர்ணனை செய்வதும் எந்திரனை ‘புதிய மனிதா’ என்பதும் குழப்பமான பாடல் ஆசிரியர்களின் மனநிலையா இல்லை புகழ்ந்தே ஆகவேண்டுமென்ற நிர்பந்தமா ? அஃறிணை,  எஃகு , இரும்பு, சிலிக்கான், நியூட்டன், எய்ன்ஸ்டைன் போன்ற சொற்கள் சுழற்சி முறையில் பாடலுக்கு பாடல் வருவது அயர்ச்சி. காதலனில் உடம்புக்குள் நாடிகள் எத்தனை என்று கேட்பது போல் காந்தக் கண்ணுக்குள் எத்தனை எலக்டிரான் என்று கேட்பது அபத்தமாக இருக்கிறது.

எண்ணிப்பார்க்க வேண்டிய ‘அழகியல்’ வர்ணனைகள் – பா.விஜயின் 100 கிராம் இடை கொண்ட பெண் என்ன ஆவாள்? Osteoporosis நோயின் தீவிரத்தை அழகாகவே சொல்லியருக்கிறார். வைரமுத்துவாது 50 கிலோ தாஜ்மாஹால் என்று வர்ணித்துத் தப்பிக் கொண்டார். மோதிரம் ஒட்டியானம் ஆனக்கதை. காதல் அனுக்களிள் ஓடுகிற தண்ணீரில் ஆக்சிஜன் தான் அதிகமாம்! H2O….ஓஓஓ!

எழுதிய வரிகளை இப்படிப் போட்டால் ஒரு பாட்டு அப்படி போட்டால் ஒரு பாட்டு என்று முடிவுடன் தான் பாடல் வரிகள் எழுதப்பட்டதாகத் தெரிகிறது.

இசையில் மெட்டுக்களுக்கு விடுமுறை கொடுத்துவிட்டார் இசையமைப்பாளர். இசை கேட்பவருடன் எந்த அணுக்கமும் ஏற்படுத்தா இசை. இதனால் தான் ‘எந்திரா எந்திரா’ என்று கத்துகிறார்களோ ?

சில முறை கேட்கக் கூடிய ஒரே பாடல் ‘இரும்பிலே ஓர் இருதயம்’. ஹலோ டாக்டர் ஹார்ட் வீக்காச்சே!!

***

எந்திரனில் மிஸ்ஸிங் வாலி , யுவன் சங்கர் ராஜா.

அப்பதிவில் நான் தெரிவித்திருக்கும் கருத்துக்கள் சில தர்க்கங்களின் அடிப்படையில் அமைந்தனவே

1. எப்பேர்பட்ட குற்றமாக இருப்பினும் Benefit of Doubt சற்று இருந்தால் ஒரு விதமான தீவர முடிவுகளுக்கு நம்மை நாமே ஆட்படுத்திக் கொள்ளமாட்டோம் என்பது எனது இரு வருட இணைய இயக்கத்தில் கற்றுக் கொண்ட விஷயம்.

2. சொந்த நிகழ்வினை ஒரு வித Broad Brush கொண்டு முடிவுகள் என்று எழுதுவது Political Correctness என்கிற அடிப்படையில் தான் பார்க்க வேண்டியுள்ளது. முக்கியமாக அங்கு விவாதிக்கப் பட்டுள்ள நிறம், நாடு, உடைமைப் போன்ற சமாச்சாரங்கள் பதிவின் முடிவுகளில் மிகவும் பொதுமைபடுத்தப்பட்டுள்ளன என்பது எனது எண்ணம்.

3. முதல் பாய்ண்டில் கூறியதின் தொடர்ச்சியாக – இந்தியா போன்ற நாடுகளில் சாலை விதிகளை மிதித்து வாழ்வது தான் இயல்பு. இந்த அடிப்படையில் தான் அந்த Mocking man ஆட்சேபணைக்குரிய சொற்களை விட்டிருப்பார் என்கிற ஐயப்பாடு ஏன் தோன்றவில்லை. முதலில் கோபம் கண்ணை மறைத்தாலும் பின்னர் இதனைப் பற்றி எழுதும் போதாவது இந்த ஐயம் வந்திருந்தால் நலம்.

4. பதிவின் நோக்கம் (intent) அதன் விவரணையில் இருப்பதாக நான் எண்ணுகிறேன். சம்பவங்களின் நேர்மையை இங்கு சந்தேகிக்கவில்லை என்பது குறிப்பிடத்தக்கது. இரண்டிற்கும் வித்தியாசம் உண்டு என்பதைப் புரிந்தே அங்கு நான் சில கேள்விகளைக் கேட்டுள்ளேன்.

5. முக்கியமாக பதிவின் ஒரு முடிவில் நல்லவன்-கெட்டவன் என்கிற பாணியைக் கையாண்டு, அந்தக் கெட்டவனின் மூதாதையர்கள் செய்த குற்றங்களுடன் ஒப்பிட்டு முடிவு சொல்வது அட்சேபணைக்குரியது.

***

‘திராவிட மாயை’  படித்தீர்களா என்ற வினாவிற்கு நூலெழதியவர் பச்சைப் பார்ப்பனர் ஆர்.எஸ்.எஸ் காரன் என்கிற ஒற்றை வரி மிகாத ‘விமர்சனத்தை’ வைக்கிறார்.

கலைஞர் ஆட்சியைப் பற்றி துக்ளக் கும்பல் பேசினால் சுப.வீயின் ‘தர்க்கம்’ பார்ப்பான் மற்றும் பார்ப்பனக்கூலிகள் என்பன. தி.மு. கழகத்தை வெளிப்படையாக ஆதரிக்கிறார் சுப.வீ. ஆனால் சோ ஆதிமுக வை வெளிப்படையாக ஆதரிப்பதற்குக் ‘குடுமி’ தான் காரணம் என்கிறார். தி.மு.கழக ஆதரவு எப்பொழுதிலிருந்து சமூக சேவையானது?

எஸ்.வீ.சேகர் சங்கராசாரிக்கு சாமரம் வீசுபவர் என்று விமர்சிக்கிறார். இதனை சேகர் பெருமையாகத் தானே எடுத்துக் கொள்வார். ஆனால் சுப.வீ.க்கு சாட்சி வேண்டுமென்றால் சங்கராச்சாரி முதல் தி.க தலைவர் வீரமணி வரைக் கூப்பிடுகிறார் – முக்கியமாக இவரது ஈழ நிலைப்பாடுகளை விளக்க இவர்கள் ஊறுகாயைப் போலத் தேவைப்படுகிறார்கள்.

அரசவைக் கவிஞர்கள் மன்னனின் மனம் மகிழ பல பாடல்களைப் பாடி பொற்கிழிகளை பெற்று வந்தனர். அதற்கு ஒப்பாக கலைஞர் ஆட்சியை விமர்சித்தால் இவருக்கு வரும் சினம் அப்பப்பா!? அந்த கவிஞர்களே மேல் போல் உள்ளது – தமிழருவி மணியன் இப்படித்தான் இவரிடம் வசைப்பட்டார்.

இக்கருத்துக்கள் அத்துனையும் இணைய இதழ் வடிவில் அவ்வப்போது கீற்றில் ‘கருஞ்சட்டைத் தமிழர்’ -ஆக வந்து கொண்டுதான் இருக்கிறது. அக்கருத்துப் பெட்டிகளில் சுப.வீ க்கு மக்கள் அவரது இரட்டை நிலையை தொடர்ந்து சுட்டிக் காட்டி வருகின்றனர். இவர் அவற்றைக் கண்டு கொண்டதாகத் தெரியவில்லை.

இது கருஞ்சட்டைத் தமிழரில் நிகழும் ‘தர்க்க’ வாதங்களுக்கு அறிமுகமாக அமையும் என நினைக்கிறேன்.

சமீபத்தில் ராவணன் இசைத் தொகுப்பைக் கேட்டேன். எந்த விதத் தாக்கமும் ஏற்படுத்தவில்லை. யார் என்ன சொன்னால் என்ன என்று மீண்டும் மீண்டும் இரைச்சலில் பாடல் வரிகளை மூழ்கடித்துக் கொண்டிருக்கிறார் இசையமைப்பாளர் ரகுமான்.

கோடு போட்டா

கொன்னுப் போடு

வேலி போட்டா

வெட்டிப் போடு

பாடல் வரிகள் பரவாயில்லை.

கவிஞர் வைரமுத்துவும் ‘எலும்பு – பல் பொடி’ என எழுதியிருக்கிறார்.

மேலும் பல பாடல்களில் எங்கோ கேட்ட இசை ஒலிக்கிறது.

பாடல் தொகுப்பு சோபிக்கவில்லை என்பது எனது எண்ணமும் ஏமாற்றமும்.

குறிப்பு: சில தகவல் பிழைகள் திருத்தப்பட்டுள்ளன.

சில சந்தேகங்கள் -

1. எப்பொழுதும் கைத்துப்பாக்கியுடன் சுற்றி வருபவரை தேர்தலில் சுமோ ஜீப்பில் சாமான்களுடன் சுற்றிவரும் அரசியல் வாதியை உங்களுக்கு நினைவூட்டவில்லையா ?

2. பரங்கியர் அமைத்தக் குழுவில் சேர்ந்து குழந்தைகளை வேலைக்கு அனுப்பும் திட்டத்தைக் கொண்டு வருபவன் எப்படி புரட்சியாளனாக முடியும் ? அதுவும் 12 மணி நேரம் !

3. மேடையமைத்து ஒரு குறிப்பிட்ட சாதியினரை மற்றொரு சாதியினரை வைத்து செருப்பால் அடிக்க உதவியவன் சமுதாய மாற்றத்திற்காக பாடுபட்டவனா அல்ல கட்ட பஞ்சாயத்து ரவுடியா ?

4. சிவப்புத் தோல் தான் முக்கியம் என்று சிங்களர் முதல் மலையாளிகள் வரை தமிழ்ப் படம் எடுப்பவர்கள் இன்று ‘நாம் தமிழர்’ படை அமைத்ததுப்போல உள்ளது நாயரின் தோல் நிறத் தியரி. ஆரியன் மட்டுமா செகப்பா இருப்பான் , அந்தப் பகுத்தறிவுக்கு ஒரு கருஞ்சல்யூட் !

5. இதெல்லாம் போதாதென்று கைபர் கணவாய் தியரி வேறு…சுத்தம். பிறப்பிலேயே கடவுளை நம்பாதவர்களாம் திராவிடர்கள். ஆரியர்கள் வருவதற்கு முன் கடவுள் என்ற சொல்லைக் கூட அறியாதவர்களாம் திராவிடர்கள். சீக்கிரமா நம்பிடுங்க…ராஜ ராஜ சோழனோ அல்ல நரசிம்மராயனோ அல்ல விஜய நகர அரசர்களோ கோயில்களை பல்லாங்குழி ஆடத்தான் கட்டியிருக்க வேண்டும்…இதெல்லாம் பொருட்படுத்தவில்லையெனினும் தன்னுடைய விளைச்சலுக்கு சூரியன் , நிலம் என இயற்கையைக் கடவுளாக வணங்கிய விவசாயி கூட ஆரியனாகத் தான் இருக்க வேண்டும்.

6. காரல் மார்கஸின் மதம் பற்றி மேற்கோளுக்குக் கைதட்டு வாங்கியிருக்கிறார் மாதவன் நாயர். ஆனால் பாருங்கள் அவர் மருத்துவம் படித்தது பிரட்டனில். அதுவும் காலனியமாக்கமும் தீவிர மதப்பிரச்சாரம் செய்யும் தேசமாக இருந்த நாட்டில். மேற்கோள் காட்டுவது மார்க்ஸ் ஆனால் கல்வி கற்பது…முரண்பாடுதான். இவ்வளவு முரண்பாடுகளைப் பின்னணியில் வைத்திருப்பவர் ‘பிரசவ’ப் பாடம் எடுப்பது நகைப்புக்குறியதே.

7. படிப்பு , சொத்து , சம உரிமை , நில பட்டா இவையெல்லாம் ஆரியக் கடவுளைப் பின் பற்றிய பார்ப்பனர்களால் கடவுள் நம்பிக்கையற்ற திராவிடர்களுக்கு மறுக்கப்பட்ட தாம். குழந்தைகளை வேலைக்கு அனுப்பலாம் என்ற சட்டத்திற்கு சார்பாக இருந்த புரட்சியாளர் இந்தக் கருத்தை முன் வைக்கிறார். ‘டல்லவுசி’ தான் திராவிட நண்பராயிற்றே ? அவர் கொண்டு வந்த மேற்கத்தியப் பாடத்திட்டத்தில் எப்படி நாயரின் திராவிடர்களுக்கு இடமில்லாமல் போனது. ஆச்சரியம் தான்.

குழந்தையை ஒடி விளையாட அழைத்த ஒருவன் இதே காலகட்டத்தில் தான் இருந்தான் ஆம் இதே நாயர் இருந்த காலகட்டத்தில்…ஆமா அது என்ன காலகட்டம் ?

பந்தம் பாசம் உறவு சிக்கல்கள் இவையெல்லாம் தேவையற்ற சுமைகள் என வாழும் ரையன் பிங்கம் (ஜார்ஜ் குளூணி). எந்த வயதில் எப்படிப்பட்டக் கணவர் அமைவார் , கணவரின் முதல் பெயரின் மாத்திரையொசை வரை திட்டமிட்டு வாழ நினைக்கும் 23 வயது நாட்லி கீணர் (அனா கேன்டிரிக் ). கணமற்ற உறவுகளை நாடும் நடுத்தர வயது பெண்ணாக அலெக்ஸ் (வெரா வார்மிகா).

உறவுகளை உதரிவிட்டு வாழ்வதாக நினைக்கும் ரையன் மீண்டும் மீண்டும் அந்த கோட்பாட்டினை கேள்வி கேட்கும் விதமாக பல தருணங்கள் அமைகின்றன. தன் பல மில்லியன் வான்வெளிப் பயணங்கள் ஒன்றில் அலெக்ஸ் என்பவரை சந்திக்கிறார். இருவருக்கும் வானில் ஊரூராக செல்லும் பணி. அப்பயணங்களில் அவர்கள் சேர்த்து வைத்துக் கொண்ட லாயல்டி கார்டுகளை வைத்து பேசத் துவங்கி கலவி வரை செல்கிறது முதல் நாள் உறவு. இருப்பினும் இது சாதாரண உறவுக்கு மேலாக இருக்கலாம் என ரையன் எண்ணுகிறான். அலெக்ஸ் அதனை வெளிக்காட்டிக் கொள்ளவில்லை.

ரையனின் வேலை மற்றவர்களின் வேலை ‘காலி’யாகிவிட்டது என எடுத்து சொல்லும் பணி. கிட்டதட்ட அமீனா போல ஊரூராக சென்று தினமும் வேலையிழந்தவர்களிடம் அத்தகவலை திடமாக சொல்ல வேண்டிய ஈவு இறக்கமற்ற பணி. பல்லாண்டுகளாக அப்பணியில் இருந்த பலனால் பல மில்லியன் வான் மைல்களை சேகரித்து வைத்துள்ளான்.

பெரிதும் எதிர்பார்ப்பற்ற அவன் வாழ்க்க்கையில் ஒரே குறிக்கோள் அமேரிக்கன் ஏர்லையன்ஸ் ‘கான்சியார்ஜ்’ கார்டை அடைய வேண்டும் என்பதே. அதற்கு 10 மில்லயன் மைல்கள் வானில் பறந்தாக வேண்டும். இதன் முன் வேறும் 6 பேர் மட்டுமே செய்த சாதனை அது.

நாட்லி , ரையன் வேலைப் பார்க்கும் நிறுவனத்தில் புதிதாக சேர்ந்த நிர்வாகி. பயணச் செலவுகளைக் குறைக்க வீடியோ அரட்டைப் போதும் என்று நினைக்கிறாள். அதனை சோதனை ஓட்டமும் செய்து காட்டுகிறாள். ரையனுக்கு அதில் சுத்தமாக உடன்பாடில்லை. ஒரு மனிதனின் மிகவும் பலவீனமான தருணம் வேலையிழப்பது தான் அதனை இவ்வளவு இயந்திரத்தனமாக செய்வது சாத்தியமற்ற செயல் என்கிறான்.

பின் ரையனின் மேலாளர் பணிக்க இருவரும் ‘செய்தி சொல்லும்’ வேலைக்கு இணைந்து செல்கின்றனர். வேலையிழந்த செய்தியைக் கேட்டு மனம் வேம்பி புலம்பும் மக்களைக் கண்டு திடுக்கிடுகிறாள் நாட்லி. அதில் ஒருவர் மிகவும் அமைதியாக ‘நான் தற்கொலை செய்யப் போகிறேன்’ என்கிறார்.

ரையன் 10 மில்லியன் மைல் கனவு நிறைவடையுமா ? நாட்லி தனது வீடியோ திட்டத்தில் முழு வெற்றி கிட்டுமா ? அலெக்ஸ் ரையன் உறவு எங்கு செல்கிறது என்பன மீதிக் கதை.

****
படத்தின் கதை ஒரு வித வெறுமைக்கு பாய் விரிக்கும் வேலையைச் செய்கிறது. ஒரு கட்டத்தில் ஏன் ரையன் போல ஒண்டிக்கட்டையாக வாழக்கூடாது ? குடும்பம் குழந்தை என ஏன் திண்டாட வேண்டும் என்கிற எண்ணம் எழுவது தவிர்க்க முடியாதது. கதையின் பின் பகுதியில் ரையன் மூலமே அவ்வெண்ணத்திற்கு முடிவு கட்டப்படுகிறது.

நடிப்பு என்ற வகையில் ஜார்ஜ் குளூணிக்கு இரண்டே வகையான முக பாவம் தான் இருக்கிறது. ‘Smirk’  என குறிப்பிடப்படும் நக்கலான சிரிப்பு அதில் பிரதானம். 23 வயது நிர்வாகியாக வரும் அனா கேன்டிரிக் நன்றாக நடித்திருக்கிறார். ஆனால் அவர் எப்பொழுதும் ஜார்ஜின் நிழலில் நிற்பது போல ஒரு உணர்வும் நம்மிடம் ஏற்படுகிறது. அலெக்ஸாக வரும் வெரா வார்மிகாவின் நடிப்பு ஜார்ஜ் குளூணியைவிட நன்றாக இருந்தது.
படம் ஒரு முறை பார்க்கலாம்.

இது போன்ற நாடகங்களுக்கு முன்னோடி பால் தாக்ரே என்றாலும் சமீபகாலமாக அவரது பேரன் ராஜ் தாக்ரே இதனை திறம் பட செய்து வந்தார். இதனால் சிவசேனாவின் ‘டிரேட்மார்க்’ பறிபோய்விடுமோ என்று அஞ்சி பால் தாக்ரே வயதும் பாராமல் அரசியல் மேடையேறி மீண்டும் ஒரு வலம் வருகிறார்.

முதலில் சச்சின் , அடுத்து ராகுல் காந்தி , பிறகு ஷாருக்கான் என சர்ச்சையை வளர்த்த வண்ணம் இருக்கிறார் தாக்ரே.

எப்படியும் யாருக்காவது துரோகி பட்டம் கட்டி செய்திகளில் தொடர்ந்து இடம் பெருவது பால் தாக்ரேவின் வெட்ட வெளிச்சமான திட்டம்.

சிவசேனாவிற்கு மும்பைக் காவல்துறையில் நல்ல தொடர்புகள் இருப்பதாக அவுட்லுக் இதழ் தெரிவிக்கிறது. சீக்கிரமாக அந்த ஜீப்பில் யாராவது இடம் கொடுப்பார்கள் என நினைக்கிறேன்.